\
/
\
/
بشويش ياللي تسكن القلب بشويش
مغليـك تكفـى لاتعكـر مـزاجـه
ماخذتك الدنيا على موجة الطيـش
وإليا إستمر الوضع صعب إنتواجه
وانا بدون مواصلك مقـدر أعيـش
المبتلـي وشلـون يلقـى خراجـه
لاصرت في ديباج وإموسدِ ريـش
وانـا زمانـي مقتفينـي عجاجـه
إليا متى وأنا اتحـرى المطاريـش
شف الزمن بيـن علـي إنعواجـه
لولا الضمى محدِ شفق لتناطيـش
وعذب القراح يحول عنـه هماجـه
وإلي على وصلك شفق للمغابيـش
لاشاف طيفك قام يضحك حجاجـه
إصمل من اجله لاتطيع الدراويـش
مالك ومـال مدوريـن السماجـه
صبرت لاكن فالنهايه علـى ويـش
تعال عقب الصد لي فيـك حاجـه
